"Manchester Yunayted"da to‘p surayotgan braziliyalik yarim himoyachi Fred Yevropa ligasi 1/16 final javob o‘yinida "Barselona" ustidan qozonilgan g‘alaba haqida gapirdi. "Mankunianliklar" 2:1 hisobida g‘alaba qozonib, yevrokuboklarning keyingi bosqichiga yo‘l olishdi.
"Biz yaxshi o‘yin o‘tkazdik. Tanaffus oldidan o‘yinimiz o‘xshamadi, ammo ikkinchi bo‘limda ancha yaxshi o‘ynay boshladik.
Jamoa shu ruhda davom etishi kerak. Oldinda bizni Liga kubogi finali kutib turibdi, bor e’tiborimizni ushbu uchrashuvga qaratishimiz kerak", - dedi Fred "qizil iblislar" matbuot xizmatiga.
"Manchester Yunayted"ning turnirning keyingi bosqichidagi raqibi 24 fevral kuni bo‘lib o‘tadigan qur’a tashlash marosimida aniqlanadi.
