"Манчестер Юнайтед"да тўп сураётган бразилиялик ярим ҳимоячи Фред Европа лигаси 1/16 финал жавоб ўйинида "Барселона" устидан қозонилган ғалаба ҳақида гапирди. "Манкунианликлар" 2:1 ҳисобида ғалаба қозониб, еврокубокларнинг кейинги босқичига йўл олишди.
"Биз яхши ўйин ўтказдик. Танаффус олдидан ўйинимиз ўхшамади, аммо иккинчи бўлимда анча яхши ўйнай бошладик.
Жамоа шу руҳда давом этиши керак. Олдинда бизни Лига кубоги финали кутиб турибди, бор эътиборимизни ушбу учрашувга қаратишимиз керак", - деди Фред "қизил иблислар" матбуот хизматига.
"Манчестер Юнайтед"нинг турнирнинг кейинги босқичидаги рақиби 24 февраль куни бўлиб ўтадиган қуръа ташлаш маросимида аниқланади.
