Xavining fikricha, Gavi va Pedri bilan "Barselona" "MYU"ga qarshi boshqacha o‘ynagan bo‘lardi.
Kecha Kataloniya klubi Yevropa Ligasi pley-off bosqichi javob o‘yinida “Manchester Yunayted”ga 1:2 hisobida imkoniyatni boy berib, turnirdan chiqib ketdi. Pedri jarohati, Gavi sariq kartochkalari tufayli o‘yinni o‘tkazib yubordi.
- Ikkinchi bo‘limda jamoaga nima yetishmadi?
“Bu ko‘proq bizning zaifligimiz. Ikkinchi bo‘limda bizga sabr va xotirjamlik yetishmadi.
Agar Pedri yoki Gavi maydonda bo‘lganida, ikkinchi bo‘lim boshqacha kechgan bo‘lardi, deb o‘ylayman. Men bahona izlamayman. Ular o‘yinni qanday sekinlashtirishni, uni aylantirishni va raqibning yarim maydonida qanday ishlashni bilishadi. Serxi Roberto yaxshi o‘ynadi. Kessie ham Frenki kabi juda yaxshi harakat qildi.
Lekin, albatta, biz ko‘rsatmoqchi bo‘lgan o‘yinda Pedri va Gavi juda foydali bo‘lardi. Birinchi bo‘lim ajoyib o‘tdi. Afsuski, natija biz kutgandek bo‘lmadi", - dedi “Barselona” bosh murabbiyi.
