Хавининг фикрича, Гави ва Педри билан "Барселона" "МЮ"га қарши бошқача ўйнаган бўларди.

Кеча Каталония клуби Европа Лигаси плей-офф босқичи жавоб ўйинида “Манчестер Юнайтед”га 1:2 ҳисобида имкониятни бой бериб, турнирдан чиқиб кетди. Педри жароҳати, Гави сариқ карточкалари туфайли ўйинни ўтказиб юборди.

- Иккинчи бўлимда жамоага нима етишмади?

“Бу кўпроқ бизнинг заифлигимиз. Иккинчи бўлимда бизга сабр ва хотиржамлик етишмади.

Агар Педри ёки Гави майдонда бўлганида, иккинчи бўлим бошқача кечган бўларди, деб ўйлайман. Мен баҳона изламайман. Улар ўйинни қандай секинлаштиришни, уни айлантиришни ва рақибнинг ярим майдонида қандай ишлашни билишади. Серхи Роберто яхши ўйнади. Кессиэ ҳам Френки каби жуда яхши ҳаракат қилди.

Лекин, албатта, биз кўрсатмоқчи бўлган ўйинда Педри ва Гави жуда фойдали бўларди. Биринчи бўлим ажойиб ўтди. Афсуски, натижа биз кутгандек бўлмади", - деди “Барселона” бош мураббийи.