Toshkent va Fargʻona shaharlarida o‘tkaziladigan U-20 Osiyo kubogi oldidan tashkiliy qo‘mitaning navbatdagi yig’ilishi bo‘lib o‘tdi. OʻFA birinchi vitse-prezidenti Ravshan Ermatov hamda Yoshlar siyosati va sport vazirining maslaxatchisi Avaz Karimov boshchiligida o’tkazilgan yig’ilishda musobaqaning tashkiliy jarayonlari, xususan, butun qit‘amizdan tashrif buyuradigan delegatsiya va mehmonlarni munosib kutib olish, ularga barcha sharoitlarni taqdim etish, mehmonxonalardagi qulayliklar, stadionlar va mashg‘ulot maydonlari sifatini ta‘minlash masalalari muhokama qilindi.

Osiyo kubogigi ishtirokchilari hamda mehmonlarning xavfsizligini ta‘minlashga alohida e‘tibor qaratdi. Stadionlarda fuqarolar va transport harakatini tartibga solish borasidagi rejalar huquq-tartibot organlari vakillari bilan muvofiqlashtirildi. Matbuot va media vakillariga OFK talablariga mos barcha sharoitlarni yaratish zarurligi ta‘kidlandi.

Barcha yo‘nalishlar bo‘yicha mutaxassislarning takliflari o‘rganib chiqildi va mas‘ullarga tegishli ko‘rsatmalar berildi. Eslatib o‘tamiz, 1-18 mart kunlari o’tkaziladigan nufuzli turnirga chiptalar sotuvi onlayn tarzda iTicket.uz platformasi orqali boshlanib ketgan.