Italiya terma jamoasi va Turinning "Yuventus" klubi sobiq himoyachisi Jorjio Kyellini "keksa sinyora"dan ochko olib tashlash bilan bog‘liq vaziyat haqida gapirdi. Eslatib o‘tamiz, Italiya grandi moliyaviy firibgarlik tufayli 15 ochko yo‘qotdi.
“Bu haqda bilganimda xafa bo‘ldim. Hozir klubga nima bo‘layotganini ko‘rish juda achinarli. "Yuventus"ni yaxshi ko‘radigan hamma uchun qiyin. Jamoa kurashni davom ettirar ekan, muxlislar sabr qilishlari kerak. Umid qilamanki, hammasi yaxshilik bilan tugaydi", - deya Kyellinining so‘zlarini keltiradi The Athletic.
Italiya chempionatining 23-turidan so‘ng “Yuventus” 32 ochko jamg‘arib, turnir jadvalining 7-pog‘onasida bormoqda.
