Италия терма жамоаси ва Туриннинг "Ювентус" клуби собиқ ҳимоячиси Жоржио Кьеллини "кекса синьора"дан очко олиб ташлаш билан боғлиқ вазият ҳақида гапирди. Эслатиб ўтамиз, Италия гранди молиявий фирибгарлик туфайли 15 очко йўқотди.
“Бу ҳақда билганимда хафа бўлдим. Ҳозир клубга нима бўлаётганини кўриш жуда ачинарли. "Ювентус"ни яхши кўрадиган ҳамма учун қийин. Жамоа курашни давом эттирар экан, мухлислар сабр қилишлари керак. Умид қиламанки, ҳаммаси яхшилик билан тугайди", - дея Кьеллинининг сўзларини келтиради The Athletic.
Италия чемпионатининг 23-туридан сўнг “Ювентус” 32 очко жамғариб, турнир жадвалининг 7-поғонасида бормоқда.
