Yarim himoyachi Andrey Santos hozircha "Chelsi"da o‘ynay olmaydi - braziliyalik futbolchi Buyuk Britaniyada ishlash uchun ruxsatnoma olmagan. 18 yoshli futbolchi "Palmeyras"ga ijaraga o‘tishi mumkin edi, ammo kelishuv amalga oshmay qoldi.
Endi Santos "Vasko da Gama" klubiga qaytishi mumkin. Nufuzli insayder Fabrisio Romanoning ijtimoiy tarmoqlarda xabar berishicha, "aristokratlar" ijara shartnomasiga yashil chiroq yoqishdi.
Aytish joizki, Andrey Santos avvalroq aynan "Vasko da Gama" uchun o‘ynagandi.
Oldinroq Andrey Santos "Los-Anjeles Gelaksi"ga o‘tishi mumkinligi haqida xabarlar tarqalgan edi.
Qo‘shimcha qilamizki, Transfermarkt portali mutaxassislari Andrey Santosni 12 million yevroga baholamoqda.