Ярим ҳимоячи Андрей Сантос ҳозирча "Челси"да ўйнай олмайди - бразилиялик футболчи Буюк Британияда ишлаш учун рухсатнома олмаган. 18 ёшли футболчи "Палмейрас"га ижарага ўтиши мумкин эди, аммо келишув амалга ошмай қолди.
Энди Сантос "Васко да Гама" клубига қайтиши мумкин. Нуфузли инсайдер Фабрицио Романонинг ижтимоий тармоқларда хабар беришича, "аристократлар" ижара шартномасига яшил чироқ ёқишди.
Айтиш жоизки, Андрей Сантос аввалроқ айнан "Васко да Гама" учун ўйнаганди.
Олдинроқ Андрей Сантос "Лос-Анжелес Гэлакси"га ўтиши мумкинлиги ҳақида хабарлар тарқалган эди.
Қўшимча қиламизки, Transfermarkt портали мутахассислари Андрей Сантосни 12 миллион еврога баҳоламоқда.
