Yarim himoyachi Pol Pogba "Turin derbisi" doirasida "Torino"ga qarshi o‘yinda ishtirok etishi mumkin.
Bu haqda Calciomercato nashri xabar bermoqda. Qayd etilishicha, Pogba tiklanishida ijobiy natijalarni ko‘rsatdi, shanba kuni u jamoadoshlari bilan mashg‘ulot o‘tkazdi.
Pol Pogba bu mavsumda hali "Yuventus"da o‘ynamadi. Yozda Turin klubiga qaytganidan ko‘p o‘tmay, fransiyalik futbolchi jarohat oldi.
Federiko Kyeza ham “Torino”ga qarshi o‘ynay oladi. Mushaklardagi muammolar tufayli vinger so‘nggi bir necha o‘yinni o‘tkazib yubordi. Ilgari Kyeza tizzasidan og‘ir jarohat olib, ko‘p vaqtini kasalxonada o‘tkazgan.
