Ярим ҳимоячи Поль Погба "Турин дербиси" доирасида "Торино"га қарши ўйинда иштирок этиши мумкин.
Бу ҳақда Calciomercato нашри хабар бермоқда. Қайд этилишича, Погба тикланишида ижобий натижаларни кўрсатди, шанба куни у жамоадошлари билан машғулот ўтказди.
Поль Погба бу мавсумда ҳали "Ювентус"да ўйнамади. Ёзда Турин клубига қайтганидан кўп ўтмай, франциялик футболчи жароҳат олди.
Федерико Кьеза ҳам “Торино”га қарши ўйнай олади. Мушаклардаги муаммолар туфайли вингер сўнгги бир неча ўйинни ўтказиб юборди. Илгари Кьеза тиззасидан оғир жароҳат олиб, кўп вақтини касалхонада ўтказган.