«Ordabasi» hujumchisi Bobur Abduxoliqov Meta-ratings.kz saytiga bergan intervyusida Qozog‘iston superkubogi doirasida «Astana»ga qarshi bo‘lib o‘tgan o‘yin borasida o‘z fikrlarini bildirib o‘tdi. Eslatib o‘tamiz, chimkentliklar mazkur uchrashuvda 1:2 hisobida imkoniyatni boy berishdi.

— «Astana»ni g‘alaba bilan tabriklayman! Ular g‘alaba haqli o‘yin ko‘rsatishdi va ko‘p vaziyatlar yaratishdi. Ikkinchi bo‘limda hisobni tenglashtirish uchun imkoniyatlar bo‘ldi, ammo ulardan foydalana olmadik.

— Belarus chempionatida eng yaxshi to‘purar bo‘ldingiz. Qozog‘istonda ham shunday sovrin uchun kurashish niyatingiz bormi?
— Har bir hujumchi o‘z oldiga imkon qadar ko‘proq gol urish vazifasini qo‘yadi. Men ham bunday mustasno emasman. Bu qanchalik amalga oshadi yoki oshmadi — bu boshqa masala. Albatta, har bir o‘yinda gol urishga harakat qilaman.

— Chimkent O‘zbekistonga yaqin hududda joylashgan. Ehtimol, sizni kuzatishsa kerak, terma jamoadan taklif olishni istaysizmi?
— Albatta, har qanday futbolchi milliy jamoada o‘ynashni orzu qiladi. O‘zimni eng yaxshi jihatdan namoyish etishga harakat qilaman.

— Sizni jamoada qanday qabul qilishdi? «Ordabasi» joriy mavsumda o‘z oldiga qanday maqsadlar qo‘ymoqda?
— Maqsadimiz — imkon qadar yuqoriroq o‘rinni egallash va kuchli uchlikka kirish.