«Ордабаси» ҳужумчиси Бобур Абдухолиқов Meta-ratings.kz сайтига берган интервьюсида Қозоғистон суперкубоги доирасида «Астана»га қарши бўлиб ўтган ўйин борасида ўз фикрларини билдириб ўтди. Эслатиб ўтамиз, чимкентликлар мазкур учрашувда 1:2 ҳисобида имкониятни бой беришди.

— «Астана»ни ғалаба билан табриклайман! Улар ғалаба ҳақли ўйин кўрсатишди ва кўп вазиятлар яратишди. Иккинчи бўлимда ҳисобни тенглаштириш учун имкониятлар бўлди, аммо улардан фойдалана олмадик.

— Беларусь чемпионатида энг яхши тўпурар бўлдингиз. Қозоғистонда ҳам шундай соврин учун курашиш ниятингиз борми?
— Ҳар бир ҳужумчи ўз олдига имкон қадар кўпроқ гол уриш вазифасини қўяди. Мен ҳам бундай мустасно эмасман. Бу қанчалик амалга ошади ёки ошмади — бу бошқа масала. Албатта, ҳар бир ўйинда гол уришга ҳаракат қиламан.

— Чимкент Ўзбекистонга яқин ҳудудда жойлашган. Эҳтимол, сизни кузатишса керак, терма жамоадан таклиф олишни истайсизми?
— Албатта, ҳар қандай футболчи миллий жамоада ўйнашни орзу қилади. Ўзимни энг яхши жиҳатдан намойиш этишга ҳаракат қиламан.

— Сизни жамоада қандай қабул қилишди? «Ордабаси» жорий мавсумда ўз олдига қандай мақсадлар қўймоқда?
— Мақсадимиз — имкон қадар юқорироқ ўринни эгаллаш ва кучли учликка кириш.