"Liverpul" yozda jiddiy qayta qurishni rejalashtirmoqda.
Jamoani yarim himoyachi Nabi Keyta aniq tark etadi. Uning amaldagi shartnomasi joriy mavsum oxirida tugaydi va hozircha "mersisaydliklar" klubi shartnomani uzaytirmoqchi ekanligidan darak yo‘q.
Liverpool Echo nashri xabariga ko‘ra, "Barselona" Nabi Keytaning holatini diqqat bilan kuzatib bormoqda. Kataloniyaliklar yozda o‘rta chizig‘ini kuchaytirishga intilmoqda va Keytani tekinga o‘z safiga qo‘shib olishi mumkin.
Nabi Keyta 28 yoshda. 2022/2023 yilgi mavsumda u "Liverpul" tarkibida 12 ta o‘yinda maydonga tushgan.