"Neftchi" safiga yangi kelib qo‘shilgan ukrainalik legioner Yuriy Batyushin bilan kichik intervyu uyushtirdik.

— O‘zbekistonga xush kelibsiz! Yurtimiz haqida qanday tasavvur paydo bo‘ldi ?
— Rahmat. Yurtingiz haqida shuni aytishim mumkinki, birinchi taassurotlarim juda ijobiy. Mahalliy aholi tomonidan iliq munosobat va har tomonlama ko‘maklashishga tayyor ekanligi yaqqol sezilmoqda, yangi iqlimga ko‘nikish qiyin bo‘lmaydi deb o‘ylayman.

— "Neftchi" jamoasiga kelishingiz qanday sodir bo‘ldi?
— Jamoaga kelishim agentim orqali sodir bo‘ldi. U menga "Neftchi" variantini taklif etdi va bir hafta o‘tgach men jamoaga kelib qo‘shildim.

— O‘zbek futbolchilaridan kimlarni taniysiz?
— O‘zbekistonda faoliyat olib borayotgan yurtdoshim Andrey Mishenko bilan ilgari tanish bo‘lganmiz, chunki u bilan birga Ukrainada to‘p surish nasib etgan.

— "Neftchi" tarixiy va o‘ziga yarasha an’analari bor klub. Uni qanchalik o‘rgandingiz?
— Jamoaning an’analari va tarixiga kelsak, hali tanishib  ulgurmadim. Imkon qadar tez fursatlarda ushbu kamchiliklarni bartaraf etishga harakat qilaman. Men bilganim, muxlislar juda talabchan ekan.

— Sizni jamoamiz safidagi faoliyatingizga omad tilab qolamiz.
— Rahmat, Xudo xohlasa tez orada jamoa muxlislarini xursand qilishga harakat qilamiz.

"Neftchi" PFK matbuot xizmati