"Manchester Yunayted"ning argentinalik himoyachisi Lisandro Martines o‘zining xarakteri haqida gapirdi.

“Biz o‘yindamiz. Menimcha, bu bizning Argentinadan kelgan madaniyatimiz, argentinalik futbolchilar doim shunday. Futbol biz uchun hamma narsa, shuning uchun biz doimo borimizni beramiz. Bolaligimda, to‘rt-besh yoshlar chamasida, yutqazib qo‘yganimda janjallashib, yig‘lab yuborganimni eslayman, shuning uchun bu bizning qonimizga, qalbimizga singib ketgan, madaniyatimiz.

Men har doim ochman va men hamma narsani yutib olishni xohlayman. Albatta, jahon chempionatida g‘olib chiqqanimdan juda xursandman, ammo hozir barcha e’tibor mening klubim “Manchester Yunayted”ga qaratilgan. Jahon chempionatidan keyin jamoadoshlarimning qabuli ajoyib bo‘ldi.

Men his-tuyg‘ularimni jilovlay olaman, aks holda har bir o‘yinda maydondan chetlatilardim. Siz aqlli bo‘lishingiz kerak. Bu juda qiyin (kuladi). Ba’zida men kimnidir o‘ldirmoqchi bo‘laman, lekin siz o‘zingizni nazorat qilishingiz kerak", - deb Martinesdan iqtibos keltiradi Manchester Evening News.