"Manchester Yunayted" hujumchisi Meyson Grinvud zo‘rlash bo‘yicha ayblovlar olib tashlanganidan keyin klub rahbariyati bilan ilk uchrashuvini o‘tkazdi, deb xabar beradi The Sun nashri.

Fevral oyi boshida prokuratura futbolchiga qo‘yilgan ayblovlar olib tashlanganini ma’lum qilgandi, biroq "Manchester Yunayted" o‘z tekshiruvlarini o‘tkazayotgani va futbolchi mavsum oxirigacha jamoada o‘ynamasligini ma’lum qilgandi.

Qayd etilishicha, Grinvud 16 fevral kuni "Barselona" bilan Yevropa Ligasi 1/16 finalining birinchi o‘yini oldidan "Manchester Yunayted" rahbarlari bilan uchrashib, nima bo‘lganini o‘z versiyasi bo‘yicha aytib bergan. Klub unga to‘liq tasavvurga ega bo‘lish imkoniyatini berdi.