"Манчестер Юнайтед" ҳужумчиси Мейсон Гринвуд зўрлаш бўйича айбловлар олиб ташланганидан кейин клуб раҳбарияти билан илк учрашувини ўтказди, деб хабар беради The Sun нашри.
Февраль ойи бошида прокуратура футболчига қўйилган айбловлар олиб ташланганини маълум қилганди, бироқ "Манчестер Юнайтед" ўз текширувларини ўтказаётгани ва футболчи мавсум охиригача жамоада ўйнамаслигини маълум қилганди.
Қайд этилишича, Гринвуд 16 февраль куни "Барселона" билан Европа Лигаси 1/16 финалининг биринчи ўйини олдидан "Манчестер Юнайтед" раҳбарлари билан учрашиб, нима бўлганини ўз версияси бўйича айтиб берган. Клуб унга тўлиқ тасаввурга эга бўлиш имкониятини берди.
