Yakshanba oqshomida Angliya liga kubogi finalida “Manchester Yunayted” va “Nyukasl” o‘ynaydi.
Qizig‘i shundaki, "Uembli"da bo‘lib o‘tadigan o‘yinda "MYU" futbolchisi Fil Jons Sky Sports telekanalining eksperti bo‘lib ishlaydi.
2022/2023 yilgi mavsumda 31 yoshli Fil Jons "Manchester Yunayted"da o‘ynamadi. Shu bilan birga, uning amaldagi shartnomasi joriy mavsum oxirigacha mo‘ljallangan.
Umuman olganda, Fil Jons “Manchester Yunayted” safida 229 ta o‘yinda maydonga tushib, 6 ta gol urdi va 11 ta golli uzatmani amalga oshirdi.
"Manchester Yunayted" va "Nyukasl" o‘rtasidagi Liga kubogi finali Toshkent vaqti bilan soat 21:30da boshlanadi.