Якшанба оқшомида Англия лига кубоги финалида “Манчестер Юнайтед” ва “Ньюкасл” ўйнайди.
Қизиғи шундаки, "Уэмбли"да бўлиб ўтадиган ўйинда "МЮ" футболчиси Фил Жонс Sky Sports телеканалининг эксперти бўлиб ишлайди.
2022/2023 йилги мавсумда 31 ёшли Фил Жонс "Манчестер Юнайтед"да ўйнамади. Шу билан бирга, унинг амалдаги шартномаси жорий мавсум охиригача мўлжалланган.
Умуман олганда, Фил Жонс “Манчестер Юнайтед” сафида 229 та ўйинда майдонга тушиб, 6 та гол урди ва 11 та голли узатмани амалга оширди.
"Манчестер Юнайтед" ва "Ньюкасл" ўртасидаги Лига кубоги финали Тошкент вақти билан соат 21:30да бошланади.
