“Milan” hujumchisi Zlatan Ibrahimovich 41 yoshda bo‘lishiga qaramay, o‘zini dunyoning eng yaxshi futbolchisi deb bilishini aytdi.

"Dunyoning eng yaxshi futbolchisi - Zlatan! Men ajoyib formada bo‘lganimda, men dunyodagi eng yaxshisiman. Men hazillashmayman. Agar o‘sha saviyada o‘ynashda davom etsam, u holda yana bir yil "Milan"da qolaman. Yana bir necha yil o‘ynashni rejalashtiryapman", - dedi Zlatan DAZN bilan suhbatda.

Eslatib o‘tamiz, "Atalanta"ga qarshi o‘yinda Zlatan zaxiradan maydonga tushgandi. Bu o‘yin uning 280 kun ichida birinchisi bo‘ldi.

Ibrahimovich milanliklar safida 2020 yilning yanvaridan beri o‘ynamoqda. Uning klub bilan amaldagi shartnomasi joriy mavsum oxirigacha mo‘ljallangan.