“Милан” ҳужумчиси Златан Ибраҳимович 41 ёшда бўлишига қарамай, ўзини дунёнинг энг яхши футболчиси деб билишини айтди.
"Дунёнинг энг яхши футболчиси - Златан! Мен ажойиб формада бўлганимда, мен дунёдаги энг яхшисиман. Мен ҳазиллашмайман. Агар ўша савияда ўйнашда давом этсам, у ҳолда яна бир йил "Милан"да қоламан. Яна бир неча йил ўйнашни режалаштиряпман", - деди Златан DAZN билан суҳбатда.
Эслатиб ўтамиз, "Аталанта"га қарши ўйинда Златан захирадан майдонга тушганди. Бу ўйин унинг 280 кун ичида биринчиси бўлди.
Ибраҳимович миланликлар сафида 2020 йилнинг январидан бери ўйнамоқда. Унинг клуб билан амалдаги шартномаси жорий мавсум охиригача мўлжалланган.
