Kilian Mbappe yaqin oylarda "PSJ" bilan shartnomasini uzaytirish yoki uzaytirmaslik borasida qaror qabul qilishi kerak.
L’Équipe nashri xabariga ko‘ra, hujumchining parijliklar bilan shartnomasi 2024 yilning yoziga qadar tuzilgan. U yana bir mavsumga uzaytirish imkoniyatiga ega va Mbappe uni faollashtirish yoki faollashtirmasligini keyingi to‘rt oy ichida hal qilishi kerak. Agar shunday bo‘ladigan bo‘lsa, uning "PSJ" bilan shartnomasi 2025 yilning yoziga qadar uzaytiriladi.
Yaqin haftalarda "PSJ" rahbarlari Mbappeni qolishga ishontirish uchun hamma narsani qiladilar. Agar Kilian shartnomani uzaytirmasa, "PSJ" uni kelajakda tekinga yshqotmaslik uchun 2023 yilning yozida sotishga majbur bo‘ladi.
Qayd etilishicha, "PSJ" boshliqlarining ustuvor vazifasi sifatida Lionel Messi bilan yangi shartnoma borasida muloqot qilishdan ko‘ra, Mbappe bilan muzokaralar olib borish muhimroq.
Joriy mavsumda 24 yoshli hujumchi "PSJ" safida barcha turnirlar doirasida 29 ta o‘yinda maydonga tushib, 29 ta gol urdi va 7 ta golli uzatmani amalga oshirdi.
