Bolgariyada an’anaviy Stranja kubogi musobaqasi kecha o‘z yakuniga yetdi. Turnirga oid ayrim faktlar bilan tanishtirib o‘tamiz.

— O‘zbekiston terma jamoasi ketma-ket ikkinchi bor umumjamoa hisobida birinchi o‘rinni egalladi;

— Terma jamoamiz musobaqa tarixidagi sermahsullik bo‘yicha o‘z rekordini yangiladi: 7 ta oltin, 5 ta kumush va 6 ta bronza;

— Jamoamiz ilk bor ushbu musobaqada 7 ta oltin medalga sazovor bo‘ldi;

— Mujibillo Tursunov va Hasanboy Do‘smatov ketma-ket, Bahodir Jalolov (2021, 2023) esa umumiy hisobda ikkinchi bor ushbu turnir g‘olibiga aylandi.