"Barselona" bosh murabbiyi Xavi Ernandes "Almeriya"ga qarshi o‘yinda ishtirok etgan ayrim futbolchilarining harakatlaridan norozi.
La Liga turnir jadvalida peshqadam bo‘lib turgan kataloniyaliklar kutilmaganda autsayderlardan biriga yutqazib qo‘yishdi (0:1), joriy mavsumda jamoa bor-yo‘g‘i ikkinchi mag‘lubiyatini qabul qilib oldi.
Ma’lumki, Xavi o‘z jamoasining o‘yinidan nihoyatda hafsalasi pir bo‘lgan, biroq Mundo Deportivo xabariga ko‘ra, ikki futbolchining o‘yini unga eng ko‘p savollar tug‘dirgan - gap yarim himoyachilar Serxio Buskets va Gavi haqida ketmoqda. Klub boshqaruvchisi o‘z noroziligini sardor bilan shaxsiy suhbatida ochiq aytdi.
Bu omadsizlikka qaramay, “Barselona” 23-turdan keyin “Real”dan 7 ochko oldinda.
