"Барселона" бош мураббийи Хави Эрнандес "Альмерия"га қарши ўйинда иштирок этган айрим футболчиларининг ҳаракатларидан норози.

Ла Лига турнир жадвалида пешқадам бўлиб турган каталонияликлар кутилмаганда аутсайдерлардан бирига ютқазиб қўйишди (0:1), жорий мавсумда жамоа бор-йўғи иккинчи мағлубиятини қабул қилиб олди.

Маълумки, Хави ўз жамоасининг ўйинидан ниҳоятда ҳафсаласи пир бўлган, бироқ Mundo Deportivo хабарига кўра, икки футболчининг ўйини унга энг кўп саволлар туғдирган - гап ярим ҳимоячилар Серхио Бускетс ва Гави ҳақида кетмоқда. Клуб бошқарувчиси ўз норозилигини сардор билан шахсий суҳбатида очиқ айтди.

Бу омадсизликка қарамай, “Барселона” 23-турдан кейин “Реал”дан 7 очко олдинда.