Qanot hujumchisi Bukayo Saka "Arsenal" bilan shartnomani uzaytirishga yaqin turibdi.

Avvalroq, 21 yoshli futbolchi klub bilan to‘rt yillik yangilangan shartnoma bo‘yicha kelishuvga erishgani ma’lum bo‘lgandi. Insayder Fabrisio Romanoning so‘zlariga ko‘ra, kelishuv tez orada rasmiylashtiriladi. Ayni damda tomonlar kelishuvning so‘nggi detallarini muhokama qilishda davom etmoqda.

Saka 2019 yildan buyon "kanonirlar"ning asosiy jamoasida to‘p tepadi. Angliyalik futbolchining amaldagi shartnomasi kelasi mavsum oxirigacha amal qiladi.