Joriy mavsumda Qozog‘iston chempionatida ishtirok etayotgan Toshkentning «Humo» xokkey klubi pley-offning dastlabki bosqichidan muvaffaqiyatli o‘tib, yarim final yo‘llanmasini qo‘lga kiritgani haqida xabar berib o‘tgandik.

Jamoamiz yarim finalda Qozog‘istonning «Beybaris» klubi bilan to‘qnash keladigan bo‘ldi. Ushbu jamoa muntazam chempionatda 3-o‘rinni egallagan bo‘lsa, chorak finalda "Aktobe"ni 4:1 hisobida mag‘lub etdi.

"Humo" va "Beybaris" jamoalari muntazam chempionat doirasida o‘zaro 4 marta to‘qnash kelishgan. Qozog‘istonda o‘tkazilgan 2ta o‘yin gollarga boy bo‘lgan va tomonlar bir martadan g‘alaba qozongandi — 7:4 va 2:5.

Toshkentdagi 2ta uchrashuv taqdiri esa "bulitlar" yordamida hal etilgan. Ulardan birida "Beybaris", ikkinchisi "Humo" g‘alaba qozongan. Bu jihatdan, jamoalar teng kuchli deyish mumkin.

Yarim final bahslari ham jamoalardan biri 4 ta g‘alabani qo‘lga kiritgunga qadar davom etadi. Dastlabki o‘yinlar 11 va 12 mart kunlari Toshkenda bo‘lib o‘tadi.