"Liverpul" yarim himoyachisi Nabi Keytaga Dortmundning "Borussiya" klubi qiziqish bildirmoqda. Sport Bild xabariga ko‘ra, "asalarilar" bu yozda yarim himoyachini erkin agent sifatida o‘z tarkibiga qo‘shib olmoqchi. Katta ehtimol bilan gvineyalik futbolchi mersisaydliklar bilan muddati tugaydigan shartnomasini yangilamaydi.
"Liverpul" Keytani tekinga qo‘yib yuborishga qarshi emas va "Borussiya Dortmund" uchun bu yozda "qizillar" safiga qo‘shilishi mumkin bo‘lgan asosiy yarim himoyachisi Jud Bellingemni almashtirish uchun yaxshi imkoniyat bo‘ladi. 19 yoshli angliyalik uchun "asalarilar" taxminan 150 million yevro talab qiladi.
Eslatib o‘tamiz, Keyta avvalroq Bundesligada "Leypsig"da o‘ynagan.