"Ливерпуль" ярим ҳимоячиси Наби Кейтага Дортмунднинг "Боруссия" клуби қизиқиш билдирмоқда. Sport Bild хабарига кўра, "асаларилар" бу ёзда ярим ҳимоячини эркин агент сифатида ўз таркибига қўшиб олмоқчи. Катта эҳтимол билан гвинеялик футболчи мерсисайдликлар билан муддати тугайдиган шартномасини янгиламайди.

"Ливерпуль" Кейтани текинга қўйиб юборишга қарши эмас ва "Боруссия Дортмунд" учун бу ёзда "қизиллар" сафига қўшилиши мумкин бўлган асосий ярим ҳимоячиси Жуд Беллингемни алмаштириш учун яхши имконият бўлади. 19 ёшли англиялик учун "асаларилар" тахминан 150 миллион евро талаб қилади.

Эслатиб ўтамиз, Кейта аввалроқ Бундеслигада "Лейпциг"да ўйнаган.