“Liverpul” yarim himoyachisi Tyago Alkantara yaqin kelajakda faoliyatini Turkiya chempionatida davom ettirishi mumkin. A Spor xabariga ko‘ra, "Fenerbaxche" yozda 31 yoshli ispaniyalik futbolchi uchun 8 million yevro taklif qilishni rejalashtirmoqda.

Eslatib o‘tamiz, Alkantara bu mavsumning asosiy qismini jarohat sabab o‘tkazib yubormoqda. Futbolchining shartnomasi bir yildan keyin tugashini inobatga olsak, klub uni sotish haqida jiddiy o‘ylab ko‘rishi mumkin. Boz ustiga, kelayotgan yozda “Liverpul” safini birdaniga bir nechta yangi yarim himoyachilar bilan to‘ldirishi mumkin.

Angliya Premyer-ligasining joriy mavsumida Tyago o‘n to‘rtta o‘yin o‘tkazdi va birorta ham samarali harakat qilgani yo‘q.