“Ливерпуль” ярим ҳимоячиси Тьяго Алькантара яқин келажакда фаолиятини Туркия чемпионатида давом эттириши мумкин. A Spor хабарига кўра, "Фенербахче" ёзда 31 ёшли испаниялик футболчи учун 8 миллион евро таклиф қилишни режалаштирмоқда.
Эслатиб ўтамиз, Алькантара бу мавсумнинг асосий қисмини жароҳат сабаб ўтказиб юбормоқда. Футболчининг шартномаси бир йилдан кейин тугашини инобатга олсак, клуб уни сотиш ҳақида жиддий ўйлаб кўриши мумкин. Боз устига, келаётган ёзда “Ливерпуль” сафини бирданига бир нечта янги ярим ҳимоячилар билан тўлдириши мумкин.
Англия Премьер-лигасининг жорий мавсумида Тьяго ўн тўртта ўйин ўтказди ва бирорта ҳам самарали ҳаракат қилгани йўқ.