"Bavariya" prezidenti "PSJ" bilan o‘yinda ijobiy natija qayd etilishiga ishonmoqda.
Myunxenliklar Chempionlar ligasi 1/8 finalining birinchi o‘yinida parijliklarni safarda mag‘lub etishdi (1:0). Javob o‘yini 8 mart kuni Germaniyada bo‘lib o‘tadi.
"Union" ustidan qozonilgan g‘alaba haqida (3:0):
"Biz ustunlik qildik. G‘alaba kattaroq bo‘lishi mumkin edi. Biz har doim super jamoa ekanligimizni bilardik. Futbolchilar buni faqat maydonda ko‘rsatishi kerak.
Kimlar zaxiradan maydonga tushganimizga qarasangiz (Sadio Mane, Leroy Sane, Serj Gnabri, Joau Kanselu va Matis Tel - muallif), boshqa klublar faqat xavas qilishlari mumkin. Bu mening muvaffaqiyatga ishonchimning sabablaridan biri"
"PSJ"ga qarshi birinchi o‘yin va javob o‘yini haqida:
"Jamoamiz Parijda haqiqatan ham muhim bo‘lganda yaxshi ekanini ko‘rsatdi. Va o‘yinchilar buni yana ko‘rsatishadi. "PSJ" bilan o‘yin oldidan o‘zimga to‘liq ishonaman.
Bundesliga haqida:
"Bizda hamma narsa nazorat ostida, biz yetakchimiz. Oldinda "Borussiya" (D)ga qarshi uy uchrashuvi bor. Maqsadimiz ketma-ket o‘n birinchi marta Germaniya chempionligini qo‘lga kiritish", - deydi Gerbert Xayner.
