"Бавария" президенти "ПСЖ" билан ўйинда ижобий натижа қайд этилишига ишонмоқда.
Мюнхенликлар Чемпионлар лигаси 1/8 финалининг биринчи ўйинида парижликларни сафарда мағлуб этишди (1:0). Жавоб ўйини 8 март куни Германияда бўлиб ўтади.
"Унион" устидан қозонилган ғалаба ҳақида (3:0):
"Биз устунлик қилдик. Ғалаба каттароқ бўлиши мумкин эди. Биз ҳар доим супер жамоа эканлигимизни билардик. Футболчилар буни фақат майдонда кўрсатиши керак.
Кимлар захирадан майдонга тушганимизга қарасангиз (Садио Мане, Лерой Сане, Серж Гнабри, Жоау Канселу ва Матис Тель - муаллиф), бошқа клублар фақат хавас қилишлари мумкин. Бу менинг муваффақиятга ишончимнинг сабабларидан бири"
"ПСЖ"га қарши биринчи ўйин ва жавоб ўйини ҳақида:
"Жамоамиз Парижда ҳақиқатан ҳам муҳим бўлганда яхши эканини кўрсатди. Ва ўйинчилар буни яна кўрсатишади. "ПСЖ" билан ўйин олдидан ўзимга тўлиқ ишонаман.
Бундеслига ҳақида:
"Бизда ҳамма нарса назорат остида, биз етакчимиз. Олдинда "Боруссия" (Д)га қарши уй учрашуви бор. Мақсадимиз кетма-кет ўн биринчи марта Германия чемпионлигини қўлга киритиш", - дейди Герберт Хайнер.
