«Lion» yarim himoyachisi Ussem Auar Germaniya Bundesligasiga o‘tishga yaqin turibdi.

Jurnalist Kristofer Mishelning xabar berishicha, Frankfurtning «Ayntraxt» klubi yozda erkin agentga aylanadigan fransiyalik yarim himoyachini sotib olish ustida ishlamoqda.

Qayd etilishicha, tomonlar futbolchining transferini hali tasdiqlamagan, biroq shartnoma tafsilotlari allaqachon kelishib olingan.

Avvalroq, Auar Ispaniyaning «Betis» klubiga o‘tishi mumkinligi haqida ma’lumotlar paydo bo‘lgandi, qishda esa yarim himoyachining o‘zi «Milan»da bo‘lishni xohlagan.

Ussem joriy mavsumda barcha turnirlarda bor-yo‘g‘i 10 ta o‘yinda maydonga tushib, bitta gol urgan. Transfermarkt 24 yoshli yarim himoyachini 20 million yevroga baholamoqda.