"Real" yarim himoyachisi Luka Modrich "Qirollik klubi" rahbariyatiga "Leypsig" markaziy himoyachisi Yoshko Gvardiol bilan shartnoma imzolashni maslahat berdi.
Eslatib o‘tamiz, avvalroq matbuotda "qaymoqranglilar"ning xorvatiyalik futbolchiga qiziqishi haqida xabarlar tarqalgan edi.
Diario AS xabariga ko‘ra, Modrich rahbariyatga hamyurti jamoani uzoq yillar davomida jiddiy ravishda kuchaytirishi mumkinligini aytgan. Eslatib o‘tamiz, Yoshko hozir 21 yoshda.
Gvardiol Xorvatiya terma jamoasi tarkibida jahon chempionatida yaxshi o‘ynadi va jamoaga bronza medallarini qo‘lga kiritishda yordam berdi. Uning kelasi yozdagi transferi taxminan 100 million yevroga baholanmoqda. Oldinroq "Real Madrid" bunday pulni to‘lamoqchi emasligi haqida xabar berilgandi.