Yozgi transfer oynasida yarim himoyachi Nikolo Barella "Inter"dan "Manchester Yunayted"ga o‘tishi mumkin.
Football Insider xabariga ko‘ra, "qizil iblislar" bosh murabbiyi Erik ten Xag jamoa rahbarlaridan Barella bilan shartnoma imzolashni so‘ragan. Niderlandiyalik mutaxassis uzoq vaqtdan beri italiyalik futbolchining ashaddiy muxlisi bo‘lib kelgan.
Qayd etilishicha, Nikolo Barella shuningdek "Liverpul" va "Manchester Siti"ning radarida.
Nikolo Barella vatani Italiyadan tashqarida hali faoliyat olib bormagan. Transfermarkt portali mutaxassislari 26 yoshli futbolchini 70 million yevroga baholamoqda.