Madridning “Real” klubi Jud Bellingemga muqobil topdi.
"Real Madrid" hali ham angliyalik yarim himoyachini yozgi transfer uchun A rejasi sifatida ko‘rmoqda, ammo "Borussiya Dortmund" 19 yoshli futbolchi uchun 150 million evro so‘ramoqda. Bundan tashqari, boshqa top-klublar futbolchiga da’vo qilishmoqda.
Cadena CER xabariga ko‘ra, "qaymoqranglilar" "Selta" yarim himoyachisi Gabriel Veygani sotib olish imkoniyatini ko‘rib chiqmoqda.
20 yoshli ispaniyalik futbolchining Vigo klubi bilan shartnomasida tovon puli 40 million yevroni tashkil etadi, ammo “Real Madrid” ularga buncha pul to‘lash niyatida emas va ular o‘z futbolchilaridan birini transferga qo‘shib, kamroq summaga muzokara olib borishlariga ishonchlari komil.
Veyga joriy mavsumda La Liganing 22 o‘yinida 8 gol urdi va 2 golga assistentlik qildi.