Мадриднинг “Реал” клуби Жуд Беллингемга муқобил топди.
"Реал Мадрид" ҳали ҳам англиялик ярим ҳимоячини ёзги трансфер учун А режаси сифатида кўрмоқда, аммо "Боруссия Дортмунд" 19 ёшли футболчи учун 150 миллион эвро сўрамоқда. Бундан ташқари, бошқа топ-клублар футболчига даъво қилишмоқда.
Cadena CER хабарига кўра, "қаймоқранглилар" "Селта" ярим ҳимоячиси Габриэль Вейгани сотиб олиш имкониятини кўриб чиқмоқда.
20 ёшли испаниялик футболчининг Виго клуби билан шартномасида товон пули 40 миллион еврони ташкил этади, аммо “Реал Мадрид” уларга бунча пул тўлаш ниятида эмас ва улар ўз футболчиларидан бирини трансферга қўшиб, камроқ суммага музокара олиб боришларига ишончлари комил.
Вейга жорий мавсумда Ла Лиганинг 22 ўйинида 8 гол урди ва 2 голга ассистентлик қилди.
