"Everton" bosh murabbiyi Shon Daych jamoasining APL doirasidagi "Arsenal"dan uchralgan yirik mag‘lubiyati (0:4) haqida fikr bildirdi.
"Qirq daqiqa va yo‘q joydan gol. Men ikkinchi golga yo‘l qo‘yilgan xatoni qabul qila olmayapman, shundan keyin o‘yin bizni chetlab o‘tdi. 2:0 hisobida oldinda bo‘lganingizda, erkinligingiz ko‘proq bo‘ladi.
"Arsenal" ajoyib o‘ynadi, ammo ular bizni 40 daqiqa sindira olishmadi. Biz bundan mamnunmiz. Ikkinchi bo‘limda ular qanday jamoa ekanligini ko‘rsatishdi.
Biz sodda emasmiz. Jamoaga kelganimda, bu yerda ishlar unchalik yaxshi emasligini bilardim. Ish juda ko‘p, men buni bilaman", - dedi Daych BBC bilan suhbatda.
London jamoasi ketma-ket uchinchi g‘alabasini qo‘lga kiritdi va 60 ochko bilan APL peshqadamligini davom ettirmoqda. "Everton" 21 ochko bilan 18-o‘rinda bormoqda.
