Xavining fikricha, "Barselona"ning bu mavsumdagi muvaffaqiyati yetarlicha baholanmagan.

"Barselona" bosh murabbiyi "Real"ga qarshi Ispaniya kubogi yarim finali oldidan bu haqda fikr bildirdi.

"Bizda oltin imkoniyat bor. Bu bizning mentalitetimiz. Shu paytgacha biz yaxshi kurashdik, "Real"ga qarshi ham shunday qilamiz. "Barselona" bizning o‘yin modelimizni ko‘rsatmoqchi. Biz to‘g‘ri yo‘ldamiz.

Men klubni va uning atrofidagi muhitni yaxshi bilaman. Tanqid qayerdan kelganini tushunaman. Bu menga ta’sir qilmaydi. Umid qilamanki, mavsumni ajoyib o‘tkazayotgan futbolchilar ham. Agar "Almeriya" ustidan g‘alaba qozonganimizda, 23-turdan keyin La Liga tarixidagi eng yaxshi natijani ko‘rsatgan bo‘lardik. Bu haqda kam aytilgan.

Biz ajoyib imkoniyatni qo‘ldan boy berdik. Lekin biz yaxshi holatdamiz", - dedi Xavi.

Bugun, 2 mart kuni tunda Ispaniya kubogi yarim finalida “Real” va “Barselona” jamoalari “Santyago Bernabeu”da o‘ynaydi. Javob o‘yini 5 aprel kuni bo‘lib o‘tadi.