Хавининг фикрича, "Барселона"нинг бу мавсумдаги муваффақияти етарлича баҳоланмаган.

"Барселона" бош мураббийи "Реал"га қарши Испания кубоги ярим финали олдидан бу ҳақда фикр билдирди.

"Бизда олтин имконият бор. Бу бизнинг менталитетимиз. Шу пайтгача биз яхши курашдик, "Реал"га қарши ҳам шундай қиламиз. "Барселона" бизнинг ўйин моделимизни кўрсатмоқчи. Биз тўғри йўлдамиз.

Мен клубни ва унинг атрофидаги муҳитни яхши биламан. Танқид қаердан келганини тушунаман. Бу менга таъсир қилмайди. Умид қиламанки, мавсумни ажойиб ўтказаётган футболчилар ҳам. Агар "Альмерия" устидан ғалаба қозонганимизда, 23-турдан кейин Ла Лига тарихидаги энг яхши натижани кўрсатган бўлардик. Бу ҳақда кам айтилган.

Биз ажойиб имкониятни қўлдан бой бердик. Лекин биз яхши ҳолатдамиз", - деди Хави.

Бугун, 2 март куни тунда Испания кубоги ярим финалида “Реал” ва “Барселона” жамоалари “Сантьяго Бернабеу”да ўйнайди. Жавоб ўйини 5 апрель куни бўлиб ўтади.