Italiyaning "Milan" klubi rasmiy saytida fevral oyining eng foydali futbolchisini aniqlash uchun ovoz berish jarayoni bo‘lib o‘tdi. O‘tgan oyda milanliklar chempionatda uchta o‘yinda g‘alaba qozonishga muvaffaq bo‘ldi, shuningdek, Chempionlar ligasida "Tottenxem"ni mag‘lub etdi.
Ma’lum bo‘lishicha, "qizil-qoralar" muxlislari fevral oyining eng foydali futbolchisi sifatida asta-sekin asosiy tarkib futbolchisiga aylangan germaniyalik himoyachi Malik Tshauni tanlagan. Fevral oyida Tshau kamida yigirma marta raqibdan to‘pni olib qo‘ydi va o‘n marta yakkakurashlarda g‘olib chiqdi.
