Италиянинг "Милан" клуби расмий сайтида февраль ойининг энг фойдали футболчисини аниқлаш учун овоз бериш жараёни бўлиб ўтди. Ўтган ойда миланликлар чемпионатда учта ўйинда ғалаба қозонишга муваффақ бўлди, шунингдек, Чемпионлар лигасида "Тоттенхэм"ни мағлуб этди.

Маълум бўлишича, "қизил-қоралар" мухлислари февраль ойининг энг фойдали футболчиси сифатида аста-секин асосий таркиб футболчисига айланган германиялик ҳимоячи Малик Тшауни танлаган. Февраль ойида Тшау камида йигирма марта рақибдан тўпни олиб қўйди ва ўн марта яккакурашларда ғолиб чиқди.