Angliya liga kubogining amaldagi sohibi “Manchester Yunayted” jamoaning asosiy darvozaboni David de Xea bilan yangi shartnoma shartlari bo‘yicha muzokaralarni boshladi. Bu haqda jurnalist Fabrisio Romano xabar bermoqda.
32 yoshli ispaniyalik darvozabon "Manchester Yunayted"da qolmoqchi. De Xea 2011 yildan beri "qizil iblislar" sharafini himoya qilmoqda. Tomonlar o‘rtasidagi amaldagi kelishuv mavsum oxirida o‘z nihoyasiga yetadi.
De Xea "Nyukasl" bilan Angliya Liga kubogi finalida 2:0 hisobida g‘alaba qozongan afsonaviy Peter Shmeyxelning yutug‘ini ortda qoldirdi. Endilikda ispaniyalik posbon "mankunianliklar" safida 181 ta o‘yinda gol o‘tkazib yubormagan.
