"Chelsi" hujumchisi Joau Feliks ispaniyalik mashhur hujumchi Diyego Kosta uning faoliyatiga qanday ta’sir qilganini so‘zlab berdi. Futbolchilar "Atletiko"da birga o‘ynashgan.
“Diyego menga ko‘p narsani o‘rgatdi. Bu yaxshi yigit, u bilan bir jamoada bo‘lish qiziqarli edi. Achinarlisi, biz atigi bir yilni birga o‘tkazdik, lekin shunchalik qisqa vaqt ichida ham yaxshi daqiqalar ko‘p bo‘ldi. Biz do‘stona munosabatlarni davom ettirmoqdamiz" - dedi Feliks "ko‘klar" matbuot xizmatiga.
23 yoshli portugaliyalik futbolchi yanvar oyidagi transfer oynasida "Chelsi"ga o‘tgan edi. Joau to‘rtta uchrashuvda qatnashib, bitta gol urdi.
