"Chelsi"ning fevral oyidagi yagona gol muallifi Joau Feliks Angliya Premyer-ligasining navbatdagi turi doirasida bo‘lib o‘tadigan "Lids"ga qarshi bugungi o‘yindan umidlari bilan o‘rtoqlashdi.
“Biz nihoyat gol urib, g‘alaba qozonishni istaymiz. Yana g‘alaba nimaligini his qilmoqchimiz. Umid qilamanki, biz “Lids”ga qarshi o‘yinda barchasini yangidan boshlaymiz”, dedi Feliks “Chelsi” rasmiy saytiga.
Feliks "Atletiko Madrid"dan ijara asosida o‘tganidan beri "Chelsi" uchun bitta gol urdi.
Eslatib o‘tamiz, "Chelsi" Feliksning ijarasi uchun 11 million yevro to‘lagan edi.
