"Brayton" o‘zining yarim himoyachisi Moyses Kaysedoning yangi shartnomasiga tovon pulini kiritmagan.
Bu haqda Liverpool Echo nashri xabar berdi. Eslatib o‘tamiz, avvalroq ekvadorlik futbolchi "Brayton" bilan shartnomani uzaytirishga yaqin ekani ma’lum bo‘lgandi.
Qishki transfer oynasi oxirida Kaysedo “Brayton” rahbariyatidan o‘zini boshqa jamoaga qo‘yib yuborishlarini so‘radi. Futbolchining xizmatlariga Londonning ikki klubi - "Arsenal" va "Chelsi" qiziqish bildirgandi, biroq "Brayton" mavsum o‘rtalarida o‘z yetakchilaridan biri bilan xayrlashmadi.
Oldinroq "Brayton" 21 yoshli Kaysedo uchun taxminan 100 million yevro so‘ragani xabar qilingandi.
