«Liverpul» himoyachisi Virjil van Deyk APLning 26-turida «Manchester Yunayted»ga qarshi bo‘lib o‘tadigan o‘yin haqida o‘z fikrlari bilan o‘rtoqlashdi.

«Bu muhim o‘yin va hamma muxlislar uchun qo‘lidan kelganini qilishi kerak. Ancha tajovuzkor o‘ynashimiz kerak bo‘ladi va men bu o‘yinni intiqlik bilan kutyapman, maydonga chiqib, o‘zimni ko‘rsatmoqchiman.

Biz eng yaxshi formada emasmiz, raqib esa ajoyib formada. Ammo biz nimaga qodir ekanimizni ham bilamiz va o‘zimizni imkon qadar yaxshi ko‘rsatishimiz kerak. Har bir inson natija uchun mas’uliyatni his qilishi kerak», - dedi Van Deyk.

«Liverpul»ning «Manchester Yunayted»ga qarshi o‘yini bugun bo‘lib o‘tadi.