"Barselona" yarim himoyachisi Frenki de Yong bo‘lajak o‘yinlarda maydonga tushishi mumkin.

Niderlandiyalik futbolchi La Liganing "Valensiya"ga qarshi uchrashuvida (1:0) asosiy tarkibda maydonga tushdi, biroq birinchi bo‘limdan so‘ng uning o‘rnini Frank Kessie egalladi.

Jurnalist Reshad Rahmonning so‘zlariga ko‘ra, yarim himoyachini almashtirish faqat ehtiyot chorasi bo‘lgan, jarohat borasidagi shubhalar behuda.

"Real Madrid" bilan kubok o‘yinidan keyin futbolchi charchagan va o‘zini yaxshi his qilmayotgan edi, shuning uchun Xavi u bilan tavakkal qilmaslikka qaror qildi.

Keyingi o‘yinda "Barselona" Bilbaoning "Atletik" klubi bilan kuch sinashadi. Uchrashuv 12 mart kuni bo‘lib o‘tadi.